මෑතකදී නිකුත්වූ ඇපල් අයි ෆෝන් 6 ප්ලස් දුරකථනය මෑතකදී ලොවපුරා වඩාත් කතාබහට ලක්වුයේ එය නැවී යාම හේතුවෙනි. මෙය අන්තර්ජාලය පුරා "බෙන්ඩ් ගේට්" නමින් ජනප්‍රිය විය. පළමුවරට අයිෆෝන් දුරකථනය නවා තිබුනේ "අන්බොක්ස් තෙරපි" නම් යුටියුබ් චැනල් එකෙහි හිමිකරුවන අතර පසුව ඔහුට එල්ලවූ චෝදනා හේතුවෙන් ඔහු ප්‍රසිද්ධියේ මහමග සිටි කිහිපදෙනෙකු ඉදිරියේ අයි ෆෝන් දුරකථනයක් නවා පෙන්වා තිබුණි.
මෙම තත්වය හමුවේ ඇපල් සමාගම එම දෝෂය පිළිගත්තත් එය ඇතිවන්නේ ඉතාම කලාතුරකින් බව ප්‍රකාශකොට තිබුණි. තවමත් නොවිසිදුණු "බෙන්ඩ්ගේට්" ගැටළුව හමුවේ අයිෆෝන් දුරකතනයේ තවත් ගැටළුවක් පැන නැගී තිබේ. ඒ අයි ෆෝන් දුරකතනයෙන් ඇමතුම් ලබාගන්නා විට දුරකථනයෙහි බඳේ හා ඉදිරිපස වීදුරුව අතරතුර කොටසට බොහෝ දෙනෙකුගේ රැවුල හසුවීමේ ප්‍රවණතාවයක් ඇතිවී තිබීමයි.
අයිෆෝන් 6 දුරකථනය භාවිතා කරන සැලකියයුතු පිරිසකට මෙම ගැටලුවට මුහුණ පෑමට සිදුව ඇති අතර ඔවුන් මෙය හඳුන්වා ඇත්තේ "නිර්මාණයේ දෝෂයක්" ලෙසය. නව දෝෂය සමාජ ජාල තුල පැතිරෙනුයේ 
"හෙයාර්ගේට්" යනුවෙනි.
"හෙයාර්ගේට්" යනුවෙනි. 
